Gidaria: Eñaut Aiartzaguena Bravo

Arte Ederretan lizentziatua, azken sei urteetan irudigile autonomo gisa hainbat proiektutan egin izan du lana. Ondareari buruzko proiektuak eta inguru naturalari loturikoak izan ditu ardatz bere lanetan. Azken urteotan, bere ohiko komiki-estiloa lantzeaz gain, akuarelen munduan ere barneratu da, Irribarrez eta Urluma proiektuak uztartuz.
Akuarela tailerra sei urtetik aurrerako haur zein helduei zuzendua da. Maila ezberdinetara egokitutako ariketak proposatzen ditu parte-hartzaile guztiek izan dezaten akuarelez gozatzeko aukera. Bide horretan, paisaia naturalak eta gure inguruko animalien marrazkiak izan ohi dira akuarelen munduan barneratzeko erabili izan dituen bideak.