Gidaria: Michaela Fortová

Michaela edo Mixa, txekiarra da, Tabor hirikoa eta ingurumen zaintzan espezializatua. Duela 13 urte etorri zen Euskal Herrira eta artisautza- lanei ekin zien. 2018an endredamakina tailerra jarri zuen martxan, arropa konpondu eta birziklatzeko. Telazko hainbat osagarri sortzen ditu “upcycling” teknika eta material organikoak uztartuz.
Telazko konpresak hilekoaren kudeaketa jasangarriarekin lotu ohi dugu, baina egoera askotan erabil ditzakegu: erditzearen ondoren, edo inkontinentzi arina dugunean, adibidez. Aukera osasuntsu eta erosoa da… eta geuk josi ditzakegu geure beharretara hoberen egokituko diren moduan. Ikastaroan telazko konpresen erabileraren inguruko zalantzak ere argituko ditugu, esperientziak partekatu eta era erraz batean geuk josten ikasiko dugu.